අප ගැන

එබැවින් ප්‍රථමාධාර පිළිබදව ජනතාව දැනුවත් කිරීමේ අරමුණින්  වෛද්‍ය චාමර දිල්ශාන් අතුකෝරළ විසින් ලියන ලද ” A guide to Survive-First Aid” පොත වර්ථමානයේ පවතින ආර්ථික අරුබුදය නිසාවෙන් පාඨකයා අතට පත් කිරීම දුශ්කර වී ඇත. අධික මුද්‍රණ වියදමත්, කඩදාසි හිගබවත් හා ප්‍රවාහන ගැටලුත් නිසා සාමාන්‍ය පොතක් ලෙස සෑම දෙනාටම එය ලබා ගැනීම අපහසු වී ඇත.නමුත් වර්ථමාන තාක්ශනය නිසාවෙන් දැනුම කිසිදු වියදමක් නොදරා ස්වංක්‍රීය ඔන්ලයින් පාඨමාලාවක් ලෙස හැදෑරිය හැකිවනසේ මෙම  ප්‍රථමාධාර පාඨමාලාව  සකසා ඇත.

වෛද්‍ය විද්‍යා විෂයයේ අත්දැකීම් බහුල හා හදිසි අනතුරු අංශවල සේවයේ නියුතු වෛද්‍යවරුන්, කොළඹ විශ්ව විද්‍යාලයේ වෛද්‍ය පීඨයේ හා වෛද්‍ය විද්‍යා පශ්චාත් උපාධි ආයතනයේ වෛද්‍ය විද්‍යාව, අධ්‍යාපනය හා තොරතුරු තාක්ශනය ක්ශේත්‍ර වල ප්‍රවීන විශ්වවිද්‍යාල ආචාර්යවරුන්ගේ මඟපෙන්වීම යටතේ ක්‍රියාත්මක වන වැඩසටහනකි. එමගින් ඕනෑම කෙනෙක් හට නොමිලේ ප්‍රථමාධාර විශය අධ්‍යනයට ඉඩ සැලසී ඇත.